Zalantzak ezin badituzu hemen argitu, harremanetan jar zaitez gurekin.

Hizkuntza/barietate batetik beste hizkuntza/barietate batera itzultzea.

Aplikazio informatikoetan, hizkuntza- eta kultura-koordenatu batzuetatik beste batzuetara itzultzea, alderdi semantikoak, semiotikoak eta formalak barne.

Web elementuen testu-datuen trukea, erregistroa eta ekoizpena hainbat hizkuntzatan, informazio-sistema baten lan-fluxuarekin integraturik.

Informazio-sistemak berriz diseinatzea eta haien berringeniaritza, sistema eleanitz bihurtzeko.

Internazionalizazioa + lokalizazioa, web testuinguruan.

Ez da itzulpen automatikoa. Itzultzen laguntzeko tresna informatikoen sistema integratuak dira, eta hainbat gauza egiten laguntzen dute: hainbat formatu iragaztea, itzulpena egin ondoren jatorrizko formatua berreskuratzeko; itzulpen-prozesuetan terminologia-glosarioak sortzea eta erabiltzea; itzulpen-memoriak sortzea eta erabiltzea; itzultzaile profesionalentzako inguru eta editore espezializatuak eskaintzen ditu.

Enpresa edo erakunde jakin bateko terminologia espezializatuaren zerrenda, haien esanahiari buruzko informazioarekin. Horrez gain, hitz bakoitzak beste hizkuntza batzuetan dituen baliokideak ere ageri dira glosarioan. Glosario horiek ordenagailuz lagundutako itzulpenetarako tresnen modulu batean biltzen dira, eta beste itzultzaileek ere erabaili ahal izango dituzte bere itzulpen- edo zuzenketa-lanetan. Funtsezko terminoen koherentzia eta estandarizazioa bermatzen dute.

Estiloarekin, ortotipografiarekin eta hizkuntzarekin lotutako arauen laburpena, itzulitako testuak bateratzeko. Hizkuntza-komunikazioaren lehentasun korporatiboak barne hartzen ditu. Gida bat sortu behar da hizkuntza-pare bakoitzerako: Adibidez, gida bat sortu behar da gaztelania-ingelesa parearentzat eta beste bat, berriz, ingelesa-gaztelania parearentzat.

Itzulpen automatikoak, berez, ez du oraindik emaitza onargarriak bermatzeko moduko kaliate-mailarik lortu. Hizkuntza batean idatzitako testu bat beste hizkuntza batera itzultzeko prozesua oso lan konplexua da eta, horretarako, oraingoz behintzat, gizakien lana eskatzen du. Horrez gain, merkatuan badira programa profesional batzuk, testuak automatikoki itzuli ez baina itzultzaileei beren lanean laguntzen dietenak.

Zure produktuak Interneten bidez merkaturatzen badituzu, ohartu zara haiek munduko edozein lekutan sal ditzakezula. Bezeroekiko eta erabiltzaileekiko komunikazio birtuala posta elektronikoaren bidez egiten da, batik bat. Horrek hainbat abantaila ditu hizkuntza-oztopoei dagokienez; izan ere, zure posta berehala izango dituzu itzulita, eta bezeroak eroso sentituko dira zurekin lanean, etxean bezala.

Webgune edo atari eleanitzek biderkatu egiten dute zure merkatu potentziala, hainbat hizkuntzatan irakur baitaiteke. Erabiltzaileek nahiago izaten dute webguneen edukiak beren hizkuntzan irakurtzea, eta askoz ere joera handiagoa izango dute (hiru bider handiagoa) beren hizkuntzan irakur dezakeen webgune bateko produktuak erosteko. Nazioarteko webgunea zenbat eta hizkuntza gehiagotan aurkeztu, orduan eta aukera gehiago izango ditu zure enpresak.Erabiltzaileak webgunean sartzeko gonbidatzea besterik ez duzu egin behar.

Ez da beharrezkoa ezer kentzea atzerriko bezeroekin harremanetan jartzeko orduan. Nahikoa denbora izango duzu zure webgunearen eguneratzeak nazioarteko webguneko hizkuntzetara itzultzeko.

Internet AEBetan sortu zen, eta epealdi batez, ingelesa izan da sareko hizkuntza ofiziala. Hala ere, kontuan hartu behar dugu anglofonoak ez diren erabiltzaileak gero eta ugariagoak direla. Orain arte, Interneteko erabiltzaile gehienak kultura-maila eta erosteko maila ertainekoak izan dira eta, beraz, ingelesak ez zuen oztoporik jartzen; alabaina, Internet gero eta gehiago ari da hedatzen gizartean, eta pixkanaka egoera aldatzen ari da.

Merkataritza elektronikoari dagokionez, hainbat azterketen arabera hizkuntza funtsezkoa da Sarearen bidez salerosketak burutzeko orduan. Horrenbestez, honako hau esan dezakegu: gure webguneak gure kontsumitzaileen hizkuntzan funtzionatzen ez duen egun bakoitzean emaitza ekonomiko nabarmenak galduko ditugula.